27ویں ترمیم پر پارٹی پالیسی کی خلاف ورزی، سینیٹر احمد خان جے یو آئی سے فارغ

اسلام آباد: جمعیت علمائے اسلام پاکستان نے پارٹی ڈسپلن کی خلاف ورزی پر سینیٹر احمد خان کو جماعت سے فارغ کر دیا ہے۔
ذرائع کے مطابق سینیٹر احمد خان نے 27ویں آئینی ترمیم کے حق میں ووٹ دے کر حکومتی مؤقف کی حمایت کی تھی، جسے پارٹی پالیسی کے منافی قرار دیا گیا۔
پارٹی ذرائع کے مطابق یہ فیصلہ جے یو آئی کے پارلیمانی لیڈر سینیٹر مولانا عطا الرحمان اور صوبائی امیر بلوچستان سینیٹر مولانا عبد الواسع کی سفارش پر کیا گیا۔
مرکزی قیادت نے سینیٹر احمد خان کی فوری برطرفی کا نوٹیفکیشن جاری کرتے ہوئے انہیں سینیٹ کی نشست سے مستعفی ہونے کی ہدایت کی ہے۔
جے یو آئی نے واضح کیا ہے کہ اگر سینیٹر احمد خان نے استعفیٰ نہ دیا تو ان کی نااہلی کے لیے الیکشن کمیشن سے رجوع کیا جائے گا۔