پروسٹیٹ کینسر ہڈیوں سے آگے تک پھیل گیا، سابق صدر بائیڈن کو شدید درد کا سامنا

سابق امریکی صدر جو بائیڈن کے بیٹے ہنٹر بائیڈن نے انکشاف کیا ہے کہ ان کے والد کی پروسٹیٹ کینسر کی بیماری ہڈیوں سے بھی آگے پھیل چکی ہے اور وہ اس وقت شدید جسمانی درد کا سامنا کر رہے ہیں۔ بی بی سی کو دیے گئے ایک انٹرویو میں ہنٹر بائیڈن نے بتایا کہ یہ بیماری انتہائی تکلیف دہ مرحلے میں داخل ہو چکی ہے اور اس نے 83 سالہ ڈیموکریٹ رہنما کی جسمانی صلاحیتوں کو بری طرح متاثر کیا ہے۔ دوسری جانب سابق صدر کے ترجمان نے ہنٹر بائیڈن کی جانب سے دیے گئے اس انٹرویو کے تفصیلات پر کوئی بھی تبصرہ کرنے سے صاف انکار کر دیا ہے۔

جو بائیڈن نے وائٹ ہاؤس چھوڑنے کے چار ماہ سے بھی کم عرصے کے اندر پہلی بار اعلان کیا تھا کہ ان میں پروسٹیٹ کینسر کی ایک تیز رفتار اور جارحانہ قسم کی تشخیص ہوئی ہے۔ بعد ازاں، ان کے ترجمان نے بتایا تھا کہ سابق صدر کینسر کے اثرات کو روکنے اور کنٹرول کرنے کے لیے باقاعدگی سے ریڈی ایشن تھراپی اور ہارمون تھراپی کا علاج کروا رہے ہیں، تاہم تازہ ترین اطلاعات کے مطابق ان کی صحت تشویشناک صورتحال اختیار کر چکی ہے۔