جھل میں تاریخ ساز آف روڈ بگی ریس، صاحبزادہ سلطان نے شاندار فتح حاصل کرلی

جھل میں پہلی مرتبہ آف روڈ بگی ریس کے مقابلے کا انعقاد کیا گیا جس میں سنسنی خیز مقابلہ دیکھنے میں آیا۔ سخت اور دشوار گزار ٹریک پر ہونے والی اس ریس میں صاحبزادہ سلطان نے غیر معمولی کارکردگی کا مظاہرہ کرتے ہوئے میدان مار لیا۔

تفصیلات کے مطابق 8 کلومیٹر طویل آف روڈ ٹریک صاحبزادہ سلطان نے 5 منٹ 50 سیکنڈ میں مکمل کر کے تمام شرکا کو پیچھے چھوڑ دیا اور پہلی پوزیشن حاصل کی۔

ریس میں میر نادر مگسی نے 6 منٹ 15 سیکنڈ کے ساتھ دوسری پوزیشن حاصل کی جبکہ ندیم خان تیسرے نمبر پر رہے۔

مقابلے کو دیکھنے کے لیے شائقین کی بڑی تعداد موجود تھی، جنہوں نے پہلی بار منعقد ہونے والی اس آف روڈ بگی ریس کو علاقے کے لیے ایک مثبت اور تاریخی پیش رفت قرار دیا۔