چین ایران کو معاشی طور پر تنہا کرنے میں تعاون کیلئے تیار ہے: جے ڈی وینس

امریکی نائب صدر جے ڈی وینس نے وائٹ ہاؤس میں میڈیا بریفنگ کے دوران گفتگو کرتے ہوئے کہا ہے کہ انہیں اس بات کا علم نہیں کہ ایران کے ساتھ جاری عسکری تنازع نومبر میں ہونے والے امریکی وسط مدتی (مڈٹرم) انتخابات تک ختم ہو سکے گا یا نہیں۔ بریفنگ میں جے ڈی وینس نے دعویٰ کیا کہ چین ایرانی تیل کا ایک بڑا خریدار ہے، اس لیے وہ تہران کو معاشی طور پر تنہا کرنے کی امریکی کوششوں میں اہم کردار ادا کر سکتا ہے۔ انہوں نے کہا کہ عالمی مارکیٹ میں تیل اور گیس کی قیمتوں میں اضافے کی بنیادی وجہ ایران کی جانب سے تجارتی جہازوں اور آئل ٹینکرز پر فائرنگ ہے، تاہم امریکی بحریہ آبنائے ہرمز میں جہازوں کو مکمل تحفظ فراہم کر رہی ہے۔