LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

26 اور 27ویں آئینی ترامیم کی مخالفت کی تھی، اب بے نقاب ہو رہی ہیں: حافظ نعیم الرحمان

Web Desk

21 November 2026

امیرِ جماعتِ اسلامی پاکستان حافظ نعیم الرحمان نے کہا ہے کہ جماعتِ اسلامی نے 26ویں اور 27ویں آئینی ترامیم کی بھرپور مخالفت کی تھی اور اب ان ترامیم کے حوالے سے تمام معاملات بتدریج بے نقاب ہو رہے ہیں۔

اپنے بیان میں امیرِ جماعتِ اسلامی حافظ نعیم الرحمان نے کہا کہ مسلم ممالک کے اپنے برانڈز ہونے چاہئیں اور ایسی مصنوعات تیار کی جائیں جو معیاری بھی ہوں اور سستی بھی، تاکہ عام شہریوں کو بہتر اور معیاری سہولیات میسر آ سکیں۔

انہوں نے ملک میں آر ایل این جی (RLNG) کے بحران پر گہری تشویش کا اظہار کرتے ہوئے کہا کہ اس توانائی بحران کے باعث عوام اور کاروباری حلقوں کو شدید مشکلات کا سامنا کرنا پڑ رہا ہے۔

حافظ نعیم الرحمان کا کہنا تھا کہ حکومت نے صنعتوں کے لیے بجلی سستی کرنے کا وعدہ کیا تھا، تاہم تاحال اس پر عملی پیش رفت نہیں ہو سکی۔ انہوں نے تنقید کرتے ہوئے کہا کہ آئی پی پیز (IPPs) کے ساتھ مہنگے معاہدے کر کے ملک کی معیشت کا بیڑہ غرق کیا گیا، اور یہ معاہدے حکمران طبقے نے کیے جن کے منفی اثرات آج پوری قوم مہنگی بجلی کی صورت میں بھگت رہی ہے۔

امیرِ جماعتِ اسلامی نے واضح کیا کہ وہ حکومت سے رابطے اور ملاقاتیں کسی ذاتی مفاد کے لیے نہیں بلکہ خالصتاً عوامی مفاد اور مسائل کے حل کے لیے کرتے ہیں۔ انہوں نے مزید کہا کہ ذاتی مفادات رکھنے والے عناصر عوام کو خون خرابے کی باتوں میں الجھاتے رہتے ہیں، جبکہ جماعتِ اسلامی عوامی مسائل کے حل اور ان کے بنیادی حقوق کے تحفظ کے لیے اپنا تعمیری کردار ادا کر رہی ہے۔