کوئٹہ سے پشاور جانے والی جعفر ایکسپریس ایک روز کیلئے معطل

پاکستان ریلوے کے حکام نے ناگزیر وجوہات کے باعث کوئٹہ سے پشاور کے درمیان چلنے والی معروف ٹرین ‘جعفر ایکسپریس’ کی آمد و رفت کو ایک روز کے لیے عارضی طور پر معطل کر دیا ہے۔ ریلوے ذرائع کے مطابق منگل کے روز کوئٹہ سے پشاور کے لیے کوئی جعفر ایکسپریس روانہ نہیں ہوگی، جبکہ پشاور سے کوئٹہ آنے والی گاڑی کو بھی جیکب آباد ریلوے اسٹیشن پر ہی روک لیا جائے گا۔ ریلوے حکام نے تمام مسافروں کو ہدایت کی ہے کہ وہ سفر پر روانہ ہونے سے قبل متعلقہ ریلوے اسٹیشن یا آفیشل ہیلپ لائن سے ٹرین کی روانگی کے اوقات کی تصدیق لازمی کر لیں۔ انہوں نے مزید کہا کہ صورتحال معمول پر آتے ہی ٹرین سروس کی بحالی سے متعلق باقاعدہ آگاہ کر دیا جائے گا