جیکب آباد میں سکیورٹی کلیئرنس نہ ملنے پر جعفر ایکسپریس پھر روک دی گئی

اسلام آباد: پاکستان انسٹی ٹیوٹ آف میڈیکل سائنسز (PIMS) ہسپتال میں بچوں کی المناک اموات کے افسوسناک واقعے پر سینیٹ کی قائمہ کمیٹی برائے قومی صحت کا اہم اجلاس کل پمز ہسپتال میں طلب کر لیا گیا ہے۔

سینیٹ سیکرٹریٹ کی جانب سے جاری کردہ باقاعدہ نوٹس کے مطابق بچوں کی اموات کا معاملہ اجلاس کے ایجنڈے کا واحد نکتہ ہوگا۔ اجلاس کی صدارت قائمہ کمیٹی کے چیئرمین سینیٹر عامر ولی الدین چشتی کریں گے، جو کل دوپہر 12 بجے پمز ہسپتال کے کانفرنس روم میں منعقد ہوگا۔ اجلاس کے دوران پمز حکام کمیٹی ارکان کو سانحے کی تازہ صورتحال، وجوہات اور اب تک سامنے آنے والی تمام تر تفصیلی معلومات پر بریفنگ دیں گے۔

قائمہ کمیٹی کے ارکان ہسپتال کے اندر کلینیکل پروٹوکول، مریضوں کے تحفظ کے تدابیر اور ممکنہ انتظامی خامیوں کا باریک بینی سے جائزہ لیں گے۔ اجلاس کے اختتام پر کمیٹی کے ارکان متاثرہ شعبہ جات اور جائے سانحہ کا دورہ بھی کریں گے، جبکہ مستقبل میں ایسے المناک واقعات کی روک تھام، غفلت کے ذمہ داروں کے تعین اور احتساب کو یقینی بنانے کے لیے حتمی سفارشات مرتب کی جائیں گی۔