حزب اللہ نے ایران کی مدد کی لبنان پر حملہ کردیں گے، اسرائیل کی دھمکی

اسرائیل نے دھمکی دی ہے کہ  اگر حزب اللہ نے امریکا اور ایران کے درمیان جنگ میں ایران کی مدد کی کوشش کی تووہ لبنان پر حملہ کردے گا۔اسرائیل نے لبنانی حکومت کوپیغام میں کہاہے کہ حزب اللہ کو امریکا ایران جنگ میں فریق بننے سے روکا جائے ورنہ شہری علاقوں سمیت ملک کے مرکزی ہوائی اڈے کو نشانہ بنایاجائے گا۔

دو سینئر لبنانی حکام نے برطانوی نیوزایجنسی  سے گفتگو میں اسرائیل کے پیغام کی تصدیق کی ہے۔تاہم اسرائیلی وزیراعظم نیتن یاہوکے دفتر اورلبنانی صدر کے ترجمان نے اس حوالے سے کوئی موقف نہیں دیاہے۔  اس سے پہلے مریکا اور اسرائیل نے لبنانی حکومت پر دباؤ ڈالا تھا کہ سال کے آخر تک حزب اللہ کو غیر مسلح کردیا جائے جس کی منظوری لبنانی حکومت نے دے دی تھی۔اسرائیلی دھمکی اس وقت سامنے آئی ہے جب امریکا نے دنیا کے سب سے بڑی بحری بیڑے کو ایران کی جانب تعینات کردیا ہے۔