ٹرمپ کی ہدایت نظرانداز، اسرائیل کے ایران کی توانائی تنصیبات پرحملے

اسرائیل نے امریکی صدرٹرمپ کی ایران کی توانائی تنصیبات پر حملے نہ کرنے کی ہدایت کو ہوامیں اڑدیا۔ایران کے اہم توانائی مراکز پر فضائی حملے کردیئے۔

اسرائیل نے اصفہان میں اہم توانائی انفرا اسٹرکچر پر فضائی حملے کیاجبکہ خرم شہر پاور پلانٹ کی گیس پائپ لائن کو بھی نشانہ بنایا گیا۔ایرانی نیوز ایجنسی کے مطابق اصفہان میں گیس انتظامی عمارت اور گیس پریشر ریگولیشن اسٹیشن پر حملہ ہوا، جنوب مغربی ایران میں خرم شہر پاور پلانٹ کی گیس پائپ لائن پر حملہ کیاگیا۔

امریکی صدر نے ایران کے توانائی انفرا اسٹرکچر پر پانچ روز تک حملے ملتوی کرنے کا اعلان کیا تھا لیکن اس کے باوجود ایران کے توانائی انفرا اسٹرکچر پر حملے جاری ہیں۔