اسرائیل میں قیامت خیز مناظر: ایرانی میزائلوں نے دفاعی حصار توڑ دیا، تل ابیب اور مغربی کنارہ دھماکوں سے لرز اٹھا

ایران کے اسرائیل پر تازہ میزائل حملے،یروشلم اور تل ابیب دھماکوں سے گونج اٹھے،،میزائل حملوں کے نتیجے میں سات افراد زخمی ہونے کی اطلاعات ہیں جبکہ متعدد گاڑیاں تباہ اور املاک کو شدید نقصان پہنچا ہے۔خبرایجنسی کے مطابق مقبوضہ بیت المقدس میں میزائل گرنے کے بعد آگ بھڑک اٹھی،جس سے علاقے میں خوف و ہراس پھیل گیا۔ رپورٹس کے مطابق تل ابیب، یروشلم اور مغربی کنارے کے مختلف علاقوں میں بھی میزائل حملے کیے گئے، جس کے بعد سائرن بج اٹھے اور شہریوں کو بنکروں میں منتقل کیا گیا۔پاسدارانِ انقلاب کےمطابق تین امریکی اور برطانوی آئل ٹینکروں کو میزائلوں سے نشانہ بنایا گیا۔ایرانی فوج نے دعویٰ کیا ہے کہ اس کے جوابی حملوں میں اب تک پانچ سو ساٹھ امریکی فوجی ہلاک ہو چکے ہیں تاہم سینٹکام نے تین امریکی فوجیوں کی ہلاکتوں کی تصدیق کی ہے۔