جرمنی نے اسرائیل کے ساتھ 6.5 ارب ڈالر کے میزائل سسٹم معاہدے کی منظوری دے دی

برلن: جرمنی نے اسرائیل کے ساتھ طویل فاصلے تک مار کرنے والے ایرو تھری (Arrow 3) میزائل دفاعی نظام کے معاہدے کی منظوری دے دی۔
جرمن پارلیمنٹ نے 3.1 بلین ڈالر کی توسیع کی منظوری دی، جس کے بعد ڈیل کی مجموعی مالیت تقریباً 6.5 ارب ڈالر ہو گئی۔

اسرائیلی وزارت دفاع کے مطابق یہ معاہدہ دو سال قبل طے پانے والے ابتدائی ڈیل کا تسلسل ہے، جس کی مالیت تقریباً 3.5 ارب ڈالر تھی۔
وزارت نے کہا کہ ایرو تھری میزائل سسٹم کے اس نئے معاہدے سے دونوں ممالک کے دفاعی تعلقات کو نئی بلندیوں تک پہنچایا جائے گا۔

جرمنی اسرائیل کو اسلحہ فراہم کرنے والا امریکا کے بعد دوسرا سب سے بڑا ملک ہے۔
جرمن حکومت نے 17 نومبر کو اسرائیل کو اسلحے کی برآمدات پر عائد پابندیاں ختم کرنے کا اعلان بھی کیا تھا۔
حکام کے مطابق یہ فیصلہ غزہ میں مستحکم جنگ بندی اور خطے میں حالیہ سفارتی پیش رفت کے بعد کیا گیا۔