لبنان پر اسرائیلی یلغار: سرحد عبور، 52 افراد شہید، جواب میں حزب اللہ کا اسرائیلی نیول بیس پر میزائل حملہ

اسرائیل کی لبنان میں حزب اللہ کے ٹھکانوں پرشدید بمباری،لبنان کےسولہ قصبوں پر حملے کیے،لبنانی شہر بالبیک پر حملے میں مزید دس افراد شہید ہوگئے،،عرب ٹی وی کےمطابق اسرائیلی حملوں میں شہید افراد کی تعداد باون تک پہنچ گئی،اسرائیلی حملوں میں کئی عمارتیں تباہ اور ساڑھے تین سو لبنانی شہری زخمی بھی ہوئے ہیں،،صیہونی فوج نے کئی مقامات پر لبنانی سرحد کو عبور کرلیا،لبنانی فوج سات سرحدی پوسٹس خالی کرکے پیچھے ہٹ گئی ہے۔ اسرائیلی فوج نے لبنان کے متعدد شہروں اور قصبوں کو خالی کرنے کی وارننگ بھی جاری کر دی ہے،،ادھر حزب اللہ نے شمالی اسرائیل میں حیفہ نیول بیس کو میزائلوں سے نشانہ بنانے کا دعویٰ کیا ہے۔حزب اللہ نے جنوبی لبنان میں دو اسرائیلی ٹینکوں کو تباہ کردیا۔۔ حزب اللہ کے مطابق کفر شوبا اور کفر کلا کے علاقوں میں دو اسرائیلی ٹینکوں کو نشانہ بنایا۔ نشانہ بنائے گئے اسرائیلی ٹینک کو نکالنے کے لیے آنے والے دو مزید اسرائیلی ٹینکوں کو بھی نشانہ بنایا گیا۔ جنوبی لبنان کے شہر نبطیہ کے اوپر اسرائیلی ڈرون کو مار گرایا۔