بھارت ایک سال بعد بھی معرکہ حق میں شکست تسلیم کرنے سے انکاری ہے: آئی ایس پی آر

پاک فوج کے شعبہ تعلقات عامہ (آئی ایس پی آر) نے ’آپریشن سندور‘ کے نام پر تاریخ دوبارہ لکھنے کی بھارتی کوشش کو بے نقاب کرتے ہوئے کہا ہے کہ معرکہ حق کے ایک سال سے زائد عرصہ گزرنے کے باوجود بھارت تلخ حقیقت کا سامنا کرنے سے انکار کر رہا ہے۔ ترجمان آئی ایس پی آر کے مطابق آپریشن سندور پر بھارتی ڈاکیو منٹری حقائق مسخ کرنے اور جذباتی و فلمی انداز سے اپنی شکست کو من پسند رنگ دینے کی کوشش ہے جو کہ بھارتی اپنے ہی بیانیے سے متصادم ہے۔ پاک فوج نے واضح کیا کہ آپریشن ’بُنْيَانٌ مَّرْصُوْص‘ میں 26 بھارتی فوجی اہداف کو نشانہ بنایا گیا اور 8 بھارتی طیارے مار گرائے گئے، اور ایسے سچے جنگی حقائق کو فلمی مناظر سے نہیں بدلا جا سکتا۔ آئی ایس پی آر نے زور دیا کہ پاکستان علاقائی امن کے لیے پرعزم ہے تاہم کسی بھی آئندہ مہم جوئی کا جواب فیصلہ کن دیا جائے گا۔