اسلام آباد میں لڑکی سے نازیبا حرکات کرنے والے گارڈ کیخلاف مقدمہ درج، ملزم گرفتار

وفاقی دارالحکومت اسلام آباد کے علاقے لوہی بھیر میں سوسائٹی کے داخلی دروازے پر تعینات سکیورٹی گارڈ کی ایک لڑکی سے نازیبا حرکات کی ویڈیو سوشل میڈیا پر وائرل ہونے کے بعد پولیس نے فوری کارروائی کرتے ہوئے ملزم کو گرفتار کر لیا ہے۔ پولیس ذرائع کے مطابق، ملزم مسعود نے نوجوان لڑکی کو قریبی پارک سے ڈرا دھمکا کر سکیورٹی کیبن میں لایا اور وہاں اس کے ساتھ نازیبا حرکات کیں۔ ویڈیو منظرِ عام پر آتے ہی تھانہ لوہی بھیر پولیس نے واقعے کا سخت نوٹس لیتے ہوئے مقدمہ درج کر لیا اور ملزم کو حراست میں لے کر مزید تفتیش کا آغاز کر دیا ہے تاکہ واقعے کے تمام حقائق سامنے لائے جا سکیں۔