اسلام آباد میں رینجرز کی تعیناتی میں 15 اکتوبر تک توسیع

وفاقی وزارتِ داخلہ نے اسلام آباد میں امن و امان کی صورتحال کو برقرار رکھنے کے لیے پاکستان رینجرز کی تعیناتی میں 15 اکتوبر 2026ء تک توسیع کر دی ہے۔ جاری کردہ باضابطہ نوٹیفکیشن کے مطابق، رینجرز کے 3 ہزار اہلکار وفاقی دارالحکومت میں سیکیورٹی فرائض انجام دینے کے لیے 15 اکتوبر تک تعینات رہیں گے۔

واضح رہے کہ اس سے قبل وفاقی حکومت اور وزارتِ داخلہ کی جانب سے اسلام آباد میں رینجرز اہلکاروں کی تعیناتی کی منظوری 5 اکتوبر تک دی گئی تھی، تاہم سیکیورٹی خدشات اور امن و امان کی مجموعی صورتحال کے پیشِ نظر اس مدت میں مزید توسیع کا فیصلہ کیا گیا ہے۔