ریاستی اداروں پر الزامات کا کیس، سہیل آفریدی کے ناقابل ضمانت وارنٹ گرفتاری برقرار

اسلام آباد کی ڈسٹرکٹ اینڈ سیشن کورٹ کے جوڈیشل مجسٹریٹ ملک امان نے ریاستی اداروں پر گمراہ کن الزامات لگانے اور ان کی ساکھ متاثر کرنے سے متعلق کیس کی سماعت کرتے ہوئے وزیراعلیٰ خیبر پختونخوا سہیل آفریدی کے ناقابلِ ضمانت وارنٹِ گرفتاری برقرار رکھے ہیں۔ عدالت نے مسلسل عدم حاضری پر پولیس اور انتظامیہ کو سہیل آفریدی کو گرفتار کر کے پیش کرنے کا حکم دیتے ہوئے کیس کی مزید سماعت 15 نومبر تک ملتوی کر دی۔ واضح رہے کہ نیشنل سائبر کرائم انویسٹی گیشن ایجنسی (NCCIA) نے وزیراعلیٰ خیبر پختونخوا کے خلاف پیکا (PECA) ایکٹ کے تحت مقدمہ درج کر رکھا ہے۔