ثبوت پیش کرنے میں ناکامی: توشہ خانہ جعلی رسیدوں سمیت 6 مقدمات میں بانی پی ٹی آئی اور بشریٰ بی بی کی ضمانت منظور

ایڈیشنل ڈسٹرکٹ اینڈ سیشن جج محمد افضل مجوکہ نے بانی پی ٹی آئی اور بشریٰ بی بی کی ضمانت قبل از گرفتاری کے تفصیلی تحریری فیصلے جاری کر دیے ہیں۔ عدالت نے قرار دیا کہ پراسیکیوشن توشہ خانہ جعلی رسیدوں کے کیس میں کوئی ٹھوس ثبوت پیش کرنے میں ناکام رہی۔ فیصلے میں کہا گیا ہے کہ استغاثہ نے آج تک رسید کا فرانزک ہی نہیں کروایا اور نہ ہی یہ ثابت کر سکے کہ یہ رسیدیں الیکشن کمیشن یا کیبنٹ ڈویژن میں جمع کروائی گئی تھیں۔ عدالت نے بانی پی ٹی آئی کو 50، 50 ہزار روپے کے مچلکوں کے عوض ضمانت پر رہا کرنے کا حکم دے دیا۔