ایمان مزاری اور شوہر کے خلاف فرد جرم ٹل گئی

اسلام آباد کی انسداد دہشت گردی عدالت میں انٹرنیشنل کرکٹ ٹیم کی آمد پر روٹ توڑنے اور اشتعال پھیلانے کے کیس میں ایمان مزاری اور ان کے شوہر ہادی علی چٹھہ پر فرد جرم عائد ہونے کی کارروائی اڈیالہ جیل میں بجلی کی بندش کے باعث ملتوی ہو گئی۔ اے ٹی سی کے جج طاہر عباس سپرا نے کیس کی سماعت کی، جہاں جونیئر وکلا کی جانب سے مہلت کی استدعا کی گئی، جبکہ ویڈیو لنک کے ذریعے ملزمان کی پیشی بجلی کی طویل بندش کے باعث ممکن نہ ہو سکی۔ عدالت نے جیل حکام کو ہدایت کی کہ آئندہ سماعت پر ملزمان کی ویڈیو لنک کے ذریعے حاضری یقینی بنائی جائے بصورت دیگر توہین عدالت کی کارروائی ہوگی، اور کیس کی سماعت کل تک ملتوی کر دی گئی۔