فضائی راستوں کی عارضی بندش: اسلام آباد ایئرپورٹ پر پروازوں کا شیڈول متاثر

پاکستان ایئرپورٹس اتھارٹی نے 24 اور 25 دسمبر کو فضائی راستوں کی عارضی بندش کے حوالے سے نوٹم جاری کر دیا ہے، جس کے باعث اسلام آباد ایئرپورٹ پر مخصوص اوقات میں پروازوں کی آمدورفت متاثر رہے گی۔

پاکستان ایئرپورٹس اتھارٹی (پی اے اے) کے مطابق نوٹم میں بتایا گیا ہے کہ اسلام آباد ایئرپورٹ پر صبح 10 بج کر 55 منٹ سے 11 بج کر 55 منٹ تک جبکہ دن 2 بج کر 25 منٹ سے سہ پہر 3 بج کر 25 منٹ تک آمد اور روانگی کی پروازیں معطل رہیں گی۔

پی اے اے نے مسافروں کو ہدایت کی ہے کہ وہ سفر سے قبل اپنی پرواز سے متعلق تازہ صورتحال جاننے کے لیے متعلقہ ایئرلائن سے رابطہ ضرور کریں۔