اسحاق ڈار کا سعودی عرب کا دورہ، علاقائی وزرائے خارجہ اجلاس میں شرکت کریں گے

اسلام آباد: اسحاق ڈار 18 سے 19 مارچ تک سعودی عرب کا اہم دورہ کریں گے، جہاں وہ ریاض میں علاقائی وزرائے خارجہ کے اجلاس میں شرکت کریں گے۔

یہ دورہ سعودی وزیرِ خارجہ کی دعوت پر کیا جا رہا ہے، جس میں خطے کی موجودہ صورتحال اور سیکیورٹی چیلنجز پر تفصیلی غور کیا جائے گا۔اس موقع پر اسحاق ڈار پاکستان کی جانب سے برادر ممالک کی خودمختاری، علاقائی سالمیت اور سیاسی آزادی کی مکمل حمایت کا اظہار کریں گے۔وزیرِ خارجہ تمام ممالک کی سرزمین پر ہونے والے حملوں کے فوری خاتمے کا مطالبہ کریں گے اور جاری تنازع کے جلد حل پر زور دیں گے۔وہ مذاکرات اور سفارتکاری کی بحالی کی اہمیت کو اجاگر کرتے ہوئے پاکستان کی سفارتی کوششوں کو بھی نمایاں کریں گے۔اسحاق ڈار اس عزم کا اعادہ کریں گے کہ پاکستان خطے میں امن و استحکام کے قیام کے لیے اپنا مؤثر کردار جاری رکھے گا۔