سعودی عرب میں فضائی حدود جزوی طور پر بند، محدود پروازیں بحال,وزیر خارجہ

نائب وزیراعظم و وزیر خارجہ اسحاق ڈار نے پریس کانفرنس کرتے ہوئے بتایا کہ مشرقِ وسطیٰ میں کشیدگی کے باعث پاکستانی شہریوں کی حفاظت حکومت کی اولین ترجیح ہے۔ انہوں نے تصدیق کی کہ ابوظہبی حملے میں ایک پاکستانی شہری شہید ہوا ہے، جس پر یو اے ای حکومت نے مکمل تعاون کی یقین دہانی کرائی ہے۔ اسحاق ڈار کے مطابق، تہران، جدہ، ریاض، دبئی، دوحہ اور منامہ سمیت تمام خلیجی ممالک میں پاکستانی سفارتخانے اور قونصل خانے 24/7 فعال کر دیے گئے ہیں۔ دفترِ خارجہ میں ایک مخصوص “کرائسز مینجمنٹ یونٹ” قائم کیا گیا ہے جو زائرین اور مقیم پاکستانیوں کی وطن واپسی اور قونصلر معاونت کی نگرانی کر رہا ہے۔