اسحاق ڈار کی وزارتِ خارجہ میں مشاورتی اجلاس کی صدارت

نائب وزیراعظم و وزیر خارجہ اسحاق ڈار نے وزارتِ خارجہ میں مشاورتی اجلاس کی صدارت کی، جہاں حالیہ سفارتی سرگرمیوں اور خارجہ پالیسی اقدامات پر بریفنگ دی گئی۔ خارجہ سیکرٹری آمنہ بلوچ نے وزیر خارجہ کو اہم سفارتی امور سے آگاہ کیا۔ اس موقع پر اسحاق ڈار نے پاکستان کے اسٹریٹجک اور معاشی مفادات کے فروغ پر زور دیا اور بیرونِ ملک پاکستانیوں کے لیے قونصلر خدمات مزید بہتر بنانے کی ہدایت کی۔ وزیر خارجہ نے وزارتِ خارجہ کو بین الاقوامی بہترین طریقۂ کار اپنانے پر بھی زور دیا۔