: اسحاق ڈار کی فلسطینی وزیر خارجہ سے ملاقات

پاکستان کے نائب وزیراعظم و وزیر خارجہ اسحاق ڈار نے جدہ میں او آئی سی (OIC) ایگزیکٹو کمیٹی کے ہنگامی اجلاس کے موقع پر فلسطینی وزیر خارجہ سے اہم ملاقات کی۔ ملاقات میں غزہ کی سنگین انسانی صورتحال پر تفصیلی تبادلہ خیال کیا گیا۔ اسحاق ڈار نے فلسطینی عوام کے ساتھ پاکستان کی غیر متزلزل یکجہتی کا اعادہ کرتے ہوئے غزہ میں بلا رکاوٹ انسانی امداد کی فراہمی اور تباہ شدہ انفراسٹرکچر کی فوری تعمیرِ نو کی ضرورت پر زور دیا۔ انہوں نے عالمی برادری سے مطالبہ کیا کہ غزہ میں اسرائیلی فوجی حملوں کو فوری رکوایا جائے۔