او آئی سی اجلاس: غزہ میں نسل کشی، جنگ بندی کی خلاف ورزیاں قبول نہیں، پاکستان

نائب وزیراعظم اور وزیر خارجہ اسحاق ڈار نے او آئی سی اجلاس میں پاکستان کی نمائندگی کرتے ہوئے غزہ میں جاری اسرائیلی جارحیت اور نسل کشی کی شدید مذمت کی ہے۔ انہوں نے واضح کیا کہ اسرائیل کی جانب سے جنگ بندی کی مسلسل خلاف ورزیاں اور غیر قانونی آبادکاری کسی صورت قبول نہیں۔ اسحاق ڈار کا کہنا تھا کہ پاکستان ایک آزاد اور خودمختار فلسطینی ریاست کے قیام کا حامی ہے اور وزیراعظم شہباز شریف کے وژن کے مطابق عالمی سطح پر فلسطین کا مقدمہ بھرپور انداز میں لڑتا رہے گا۔ انہوں نے امتِ مسلمہ کے اتحاد اور او آئی سی کے کلیدی کردار پر بھی زور دیا۔