اسحاق ڈار کی لندن میں برطانوی وزیر مملکت اسٹیفن ڈوٹی سے ملاقات

نائب وزیراعظم اور وزیر خارجہ اسحاق ڈار نے اپنے دورۂ لندن کے دوران برطانیہ کے وزیر مملکت اسٹیفن ڈوٹی سے اہم ملاقات کی، جس میں پاکستان اور برطانیہ کے دوطرفہ تعلقات اور باہمی دلچسپی کے امور پر تفصیلی تبادلہ خیال کیا گیا۔ ترجمان دفتر خارجہ کے مطابق ملاقات میں دونوں ممالک کے درمیان سیاسی، اقتصادی اور ادارہ جاتی روابط کو مزید مستحکم کرنے کے عزم کا اعادہ کیا گیا۔ اس کے علاوہ دونوں رہنماؤ ں نے مشرق وسطیٰ اور افغانستان کی تازہ ترین صورتحال سمیت دیگر علاقائی پیش رفت پر گفتگو کی، جبکہ خطے میں امن و استحکام کے قیام کے لیے مسلسل سفارتی رابطوں اور مذاکرات کی اہمیت پر زور دیا۔