اسحاق ڈار کی سیکرٹری جنرل آئی ایم او سے ملاقات، پاکستانی ملاحوں کی رہائی پر تبادلہ خیال

نائب وزیراعظم و وزیرِ خارجہ اسحاق ڈار نے برطانیہ کے شہر لندن میں انٹرنیشنل میری ٹائم آرگنائزیشن (IMO) کے سیکرٹری جنرل ارسینیو ڈومنگیز سے ملاقات کی، جس میں پاکستان اور آئی ایم او کے درمیان تعاون، سمندری تحفظ، اور بلیو اکانومی کی ترقی پر تفصیلی تبادلہ خیال کیا گیا۔ اسحاق ڈار نے ایم ٹی آنر 25 پر یرغمال بنائے گئے 10 پاکستانی ملاحوں کی بحفاظت رہائی کے لیے آئی ایم او کی کوششوں کو سراہا اور ان کی جلد وطن واپسی کے لیے مزید مؤثر ادارہ جاتی مداخلت پر زور دیا۔ انہوں نے محفوظ بین الاقوامی بحری نقل و حمل اور عالمی بحری معیارات پر عملدرآمد کے حوالے سے پاکستان کے دیرینہ عزم کا بھی اعادہ کیا۔