نائب وزیراعظم اسحاق ڈار او آئی سی اجلاس میں شرکت کیلئے سعودی عرب روانہ

نائب وزیراعظم اور وزیر خارجہ سینیٹر محمد اسحاق ڈار اسلامی تعاون تنظیم (او آئی سی) کے غیر معمولی وزارتی اجلاس میں شرکت کے لیے جدہ روانہ ہو گئے ہیں۔ وزارتِ خارجہ کے مطابق یہ اجلاس 26 سے 28 فروری 2026 تک جاری رہے گا، جس میں اسرائیل کی جانب سے مقبوضہ مغربی کنارے پر کیے جانے والے حالیہ غیر قانونی اقدامات پر غور کیا جائے گا۔ اسحاق ڈار اجلاس میں پاکستان کی بھرپور نمائندگی کریں گے اور امتِ مسلمہ کو درپیش چیلنجز پر اپنے ہم منصبوں سے مشاورت بھی کریں گے۔ دورے کے دوران وہ مقدس شہروں کی زیارت بھی کریں گے۔