اسحاق ڈار کا کویتی وزیر خارجہ سے ٹیلیفونک رابطہ، باہمی اُمور پر تبادلہ خیال

نائب وزیراعظم و وزیرِ خارجہ سینیٹر محمد اسحاق ڈار نے کویت کے وزیرِ خارجہ شیخ جراح جابر الاحمد الصباح سے ٹیلیفونک رابطہ کیا ہے، جس کے دوران دوطرفہ تعلقات اور باہمی دلچسپی کے امور پر تفصیلی تبادلہ خیال کیا گیا۔ ترجمان دفترِ خارجہ کے مطابق دونوں رہنماؤں نے پاکستان اور کویت کے برادرانہ تعلقات کو مزید مضبوط بنانے کے عزم کا اعادہ کیا۔ اس موقع پر اسحاق ڈار نے زور دیا کہ خطے میں امن و استحکام کے لیے بات چیت اور سفارت کاری ہی واحد راستہ ہے، جبکہ اسلام آباد معاہدے (ایم او یو) پر من و عن عمل درآمد ہی آگے بڑھنے کی بنیادی شرط ہے۔ دونوں وزرائے خارجہ نے آنے والے دنوں میں باہمی تعاون اور رابطوں کو مزید فروغ دینے پر اتفاق کیا۔