اسحاق ڈار کا بحرین کے وزیرخارجہ سے رابطہ، خطے کی صورتحال پر تبادلہ خیال

اسلام آباد: نائب وزیراعظم اور وزیر خارجہ سینیٹر محمد اسحاق ڈار نے گزشتہ شب بحرین کے وزیر خارجہ عبداللطیف بن راشد الزیانی سے ٹیلی فون پر رابطہ کیا۔

گفتگو کے دوران دونوں رہنماؤں نے مشرقِ وسطیٰ اور وسیع تر خطے کی حالیہ صورتحال پر تبادلہ خیال کیا اور بحرین میں حالیہ حملوں سمیت دیگر واقعات پر گہری تشویش کا اظہار کیا۔اسحاق ڈار نے بحرین اور اس کے عوام کے ساتھ پاکستان کی مکمل یکجہتی کا اعادہ کرتے ہوئے خطے میں کشیدگی کم کرنے، مذاکرات کے فروغ اور امن و استحکام کو یقینی بنانے کی ضرورت پر زور دیا۔دوسری جانب بحرین میں ایرانی ڈرون حملے کے نتیجے میں ایک شخص جاں بحق ہو گیا۔ بحرین ڈیفنس فورس کی جنرل کمانڈ نے اس واقعے کو ایرانی جارحیت قرار دیا ہے۔