امریکہ کیلئے صورتحال ناقابل برداشت، آبنائے ہرمز میں شرارت ختم ہو جائے گی: باقر قالیباف

ایرانی پارلیمنٹ کے سپیکر محمد باقر قالیباف نے کہا ہے کہ امریکہ اور اس کے اتحادیوں نے جنگ بندی کی خلاف ورزی اور ناکہ بندی کے ذریعے بحری سلامتی کو خطرے میں ڈالا ہے، جس سے توانائی اور شپنگ کے راستے متاثر ہوئے ہیں۔ انہوں نے دعویٰ کیا کہ آبنائے ہرمز کی صورتحال مستحکم ہو رہی ہے لیکن امریکہ کے لیے موجودہ حالات ناقابلِ برداشت ہوتے جا رہے ہیں۔ دوسری جانب ایرانی وزیر خارجہ عباس عراقچی نے انکشاف کیا ہے کہ پاکستان کی سفارتی کوششوں کے باعث امریکہ کے ساتھ بات چیت میں پیش رفت ہو رہی ہے۔ انہوں نے امریکہ اور متحدہ عرب امارات کو خبردار کیا کہ وہ ان عناصر سے محتاط رہیں جو انہیں دوبارہ کسی نئی دلدل میں دھکیلنا چاہتے ہیں۔