ایرانی بسیج کمانڈر حسین طائب کا امریکا کی ایران مخالف پالیسی میں تبدیلی کا دعویٰ

ایرانی بسیج کے سینئر کمانڈر حسین طائب نے دعویٰ کیا ہے کہ امریکہ کی ایران مخالف عسکری و سیاسی پالیسیوں میں بڑی تبدیلی آ چکی ہے۔ اپنے ایک اہم بیان میں حسین طائب کا کہنا تھا کہ میدانِ جنگ میں ناکامی کے بعد امریکہ نے ایران پر عسکری و فوجی فتح حاصل کرنے کی تمام کوششیں اور حکمتِ عملی ترک کر دی ہے۔ انہوں نے کہا کہ امریکہ نے اب اپنا رخ تبدیل کر کے ایران کے خلاف سیاسی، سماجی اور علاقائی دباؤ کی پالیسی اپنا لی ہے۔ بسیج کمانڈر کا مزید کہنا تھا کہ دنیا میں طاقت کا عالمی نقشہ تیزی سے بدل رہا ہے اور امریکہ اب عالمگیر طاقت کا مرکز نہیں رہا، یہی وجہ ہے کہ وہ اب مختلف محاذوں کے ذریعے ایران پر دباؤ ڈالنے کی کوشش کر رہا ہے۔