کیئر سٹارمر نے جنگ میں امریکا، اسرائیل کا ساتھ دینے سے انکار کیا: ایرانی سفیر

پاکستان میں ایران کے سفیر رضا امیری مقدم نے دعویٰ کیا ہے کہ سابق برطانوی وزیراعظم کیئر سٹارمر نے ایران جنگ میں امریکا اور اسرائیل کا ساتھ دینے سے انکار کیا تھا۔ اپنے بیان میں ایرانی سفیر نے کہا کہ اسٹارمر پر اچانک نااہلی کے الزامات عائد کیے گئے اور انہیں دباؤ کے تحت مستعفی ہونا پڑا۔ انہوں نے مزید نشاندہی کی کہ نیا عہدہ سنبھالتے ہی نئے برطانوی وزیراعظم نے فوجی اڈے امریکا کے حوالے کر دیے اور ایران سے اپنے سفارتکار بھی واپس بلا لیے۔ رضا امیری مقدم نے سوال اٹھایا کہ کیا کیئر سٹارمر کا استعفیٰ اور اس کے بعد سامنے آنے والے یہ تمام تر اقدامات انتہائی مشکوک نہیں ہیں؟