ہم نےامریکا واسرائیل کےخلاف دفاع کی صلاحیت ثابت کر دی ،ایرانی اسپیکر

ایرانی پارلیمنٹ کے اسپیکر محمد باقر قالیباف نے کہا کہ ہم امریکا اوراسرائیل سےمحاذ آرائی کے لیے تیار تھے اور ہم نے اپنے دفاع کی صلاحیت ثابت کر دی ہے۔

ایرانی اسپیکر نے عرب میڈیاسے گفتگوکرتےہوئے کہاکہ یہ جنگ اسرائیل کی مسلط کردہ ہے، اور اس کے نتیجے میں پیدا ہونے والی سکیورٹی کی خرابی اور نقصانات نے پوری دنیا کو متاثر کیا ہے۔

ان کاکہناتھاکہ ایران کو اپنے وجود کے تحفظ کے لیے خطے میں امریکی اڈوں اور مفادات کو نشانہ بنانے پر مجبور ہونا پڑا۔ ایران کے خلاف کشیدگی میں کسی بھی اضافے کا جواب خطے میں امریکی مفادات کے خلاف فیصلہ کن اور وسیع پیمانے پر دیا جائے گا۔