انتقام کا فرض اداکرنے کی ہرممکن کوشش کریں گے، ایرانی صدر

ایران پر امریکا اور اسرائیل کے حملوں اورآیت اللہ خامنہ ای کی شہادت کے بعد ایرانی صدرمسعودپزشکیان کا پہلاردعمل سامنے آگیا۔۔ کہتےہیں آیت اللہ خامنہ ای کی شہادت مسلمانوں کےخلاف اعلان جنگ ہے۔

ایرانی صدرکاکہناتھاکہ انتقام کو اپنا جائز حق اور فرض سمجھتےہیں، انتقام کافرض اداکرنےکی ہر ممکن کوشش کریں گے۔

دوسری جانب ایران کے وزیر خارجہ عباس عراقچی نے آیت اللہ خامنہ ای کی شہادت پر تعزیتی پیغام میں کہا کہ آیت اللہ خامنہ ای ثابت قدم، تدبیر میں عمیق اور راہِ حق میں استقامت کے پیکر تھے۔انہوں نے کہا کہ آیت اللہ خامنہ ای عزت، حکمت اور استقامت کا ایک دائمی ورثہ چھوڑ گئے،ایسی عظیم شخصیت کی شہادت بلاشبہ ایک بڑا نقصان اور دل خراش غم ہے۔