زمینی حملہ کیاتوامریکی فوجی شارک مچھلی کی خوراک بنیں گے، ایران نے خبردارکردیا

ایران نے امریکا کی زمینی فوج کی مداخلت کی صورت میں تباہ کن نتائج کی دھمکی دیتے ہوئے کہا ہے کہ اگر امریکا نے زمینی حملہ کیا تو ان کے فوجی شارک مچھلی کی خوراک بنے گی۔

ایرنی میڈیا کے مطابق خاتم الانبیا ﷺ ہیڈکوارٹرز کے ترجمان انراحیم ذوالفقاری نے ایران پر زمینی حملے سے خبردار کرتے ہوئے کہا کہ ایسا اقدام امریکی افواج کے لیے شدید ذلت آمیز نتائج کا باعث بنے گا ۔ انہوں نے امریکی صدر ڈونلڈ ٹرمپ کی زمینی کارروائیوں اور خلیج فارس کے جزائر پر قبضے سے متعلق بار بار دی گئیدھمکیوں کا حوالہ دیتے ہوئے ان منصوبوں کو حقیقت سےعاری قرار دیا۔

ترجمان نے کہا کہ امریکی قیادت نے فوج کی کمان ایسے فرد کے سپرد کر دی ہے جس کے فیصلوں نے امریکی افواج کو بدترین دلدل میں دھکیل دیا ہے اور خطے میں موجود امریکی فوجیوں کو روزانہ کی بنیاد پر سنگین خطرات کا سامنا ہے۔،ٹرمپ دہشت گردتنظیم موسادکےدباؤ میں آکرنیتن یاہوکےہاتھوں مہرہ بن گئے۔

ابراہیم ذوالفقاری نے کہا ہے کہ ٹرمپ دنیا کے سب سے زیادہ جھوٹ بولنے والے صدر ہیں، ٹرمپ اپنےغیرمستحکم خیالات اوربیانات کی وجہ سے قابل اعتماد نہیں۔

ترجمان خاتم الانبیا ﷺہیڈکوارٹرز کا کہنا تھاکہ ٹرمپ مذاکرات کی بات کرتے ہیں اور چند گھنٹوں بعد جنگ جاری رکھنے کا کہہ دیتے ہیں، ٹرمپ امریکا، یورپ اور خصوصاً ایشیائی ممالک کو بڑا نقصان پہنچا چکے، صدر ٹرمپ صرف طاقت کی زبان ہی سمجھتے ہیں۔