جارح کو سزادی جائے گی، دشمن کو قیمت چکاناہوگی، ایرانی فوج کا خامنہ ای کی شہادت پر بدلہ لینے کا عزم

ایرانی فوج نے سپریم لیڈر آیت اللہ خامنہ ای کی شہادت کا بدلہ لینے کا اعلان کردیا۔ایرانی فوج کےبیان میں کہا گیا کہ ملک کی قیادت پر حملہ ایک سنگین اقدام ہے، اس کا بھرپور اور فیصلہ کن جواب دیا جائے گا،  جارح کو ہر صورت سزا دی جائےگی۔

بیان میں کہا گیا کہ ملک کی خودمختاری اور سلامتی کے دفاع کے لیے ہر ممکن اقدام کریں گے اور دشمن کو اس اقدام کی قیمت چکانا پڑے گی۔پاسداران انقلاب گارڈز  نے بھی واضح کیا کہ رہبر اعلیٰ کے قاتلوں کو سخت، فیصلہ کن اور افسوسناک سزا دینےکاموقع ہاتھ سےجانے نہیں دیں گے۔

ایرانی سرکاری میڈیا کے مطابق آیت اللہ خامنہ ای ہفتہ کو ہونے والے امریکی و اسرائیلی حملوں میں شہید ہوئے، سپریم لیڈر کی شہادت ان کے دفتر میں ہوئی۔