بھارتی وزیراعظم کا دورہ اسرائیل افسوسناک ہے، ایرانی وزیرخارجہ کی کڑی تنقید

ایرانی وزیر خارجہ عباس عراقچی نے کہا کہ بھارتی وزیراعظم کا اسرائیل کا دورہ افسوسناک ہے، ایران انسانی حقوق کے خلاف پالیسیوں اور اقدامات کی مذمت کرتا ہے۔

مودی کے دورہ اسرائیل پر شدید تنقیدکرتےہوئے ایرانی وزیرخارجہ نے کہاکہ بھارت فلسطین کے مسئلے پر فعال کردار ادا کرے ،مودی اسرائیل کے دورے میں  فلسطینی عوام کے حقوق کا معاملہ ضرور اٹھائیں۔

ایرانی وزیر خارجہ نے کہا کہ اسرائیلی کارروائیوں نے پورے علاقے کو تباہی سے دوچار کر دیا ہے، بین الاقوامی ادارے بھی انسانی بحران کی سنگینی کی تصدیق کر چکے ہیں۔ایران اسرائیل جیسی حکومت کے ساتھ تعلقات بڑھانے کو مناسب نہیں سمجھتا، اسرائیل بڑے پیمانے پر انسانی حقوق کی خلاف ورزیاں کر رہا ہے۔