اسرائیلی حملے میں ایرانی وزیردفاع اورسربراہ پاسداران انقلاب کی شہادت کادعویٰ

ایران  پر  اسرائیلاورامریکاکے مشترکہ حملے میں  ایرانی وزیر دفاع  اور  ایرانی پاسداران انقلاب کے  سربراہ  کی شہادت کی اطلاعات ہیں۔

برطانوی خبر ایجنسی نے ذرائع کے حوالےسے بتایاکہ  اسرائیلی حملوں میں  ایرانی وزیردفاع  امیر نصیر زادہ اور  ایرانی پاسداران انقلاب کے سربراہ محمد پاکپور  شہید ہوگئے۔تاہم اس حوالے سے باضابطہ تصدیق ابھی تک سامنے نہیں آئی  ہے۔

امریکا اور اسرائیل کے حملے میں  ایرانی پاسداران انقلاب گارڈز کے کئی سینئر کمانڈرز  اور سیاسی حکام جاں بحق ہوئے ہیں۔ایران نے بھی جوابی کارروائی کی ہے اور  امریکا اور اسرائیل کے خلاف جوابی کارروائی کو ‘آپریشن وعدہ صادق 4’ کا نام دیا ہے۔

ایرانی پاسدران انقلاب نے اعلان کیا ہےکہ اس نے خطے میں موجود کئی امریکی فوجی اڈوں کو نشانہ بنایا ہے، جن میں بحرین میں تعینات امریکی بحریہ کا ففتھ فلیٹ بھی شامل ہے۔