نائن الیون جیسا واقعہ کر کے الزام ایران پر ڈالنے کی سازش ہو رہی ہے: علی لاریجانی

ایران کی قومی سلامتی کونسل کے سیکرٹری علی لاریجانی نے دعویٰ کیا ہے کہ ایپسٹین ٹیم کی باقیات نائن الیون جیسا واقعہ کروانے اور اس کا الزام ایران پر ڈالنے کی سازش تیار کر رہی ہیں۔

سماجی رابطے کی ویب سائٹ ایکس پر ایک پوسٹ کو ری پوسٹ کرتے ہوئے علی لاریجانی نے کہا کہ ایران بنیادی طور پر ایسے دہشت گرد منصوبوں کا مخالف ہے اور ایران کی جنگ امریکی عوام کے ساتھ نہیں ہے۔

ادھر ایران نے خطے کے ممالک کو بھی ممکنہ امریکی فالس فلیگ آپریشن سے خبردار کیا ہے۔ ایرانی حکام کے مطابق امریکا پر الزام ہے کہ وہ فالس فلیگ کارروائی کے لیے شاہد ڈرون کی نقل استعمال کر سکتا ہے۔