عرب سرزمین ہمارے خلاف استعمال ہوئی تو جواب دیں گے: علی لاریجانی

تہران: ایران کی قومی سلامتی کے مشیر علی لاریجانی نے خبردار کیا ہے کہ اگر عرب ملکوں کی سرزمین ایران کے خلاف استعمال کی گئی تو اس کا جواب دیا جائے گا۔

اپنے بیان میں انہوں نے کہا کہ ایران نے کسی عرب ملک پر حملہ نہیں کیا، تاہم اگر عرب ممالک میں قائم اڈے ایران کے خلاف کارروائی کے لیے استعمال ہوں گے تو تہران خاموش نہیں رہے گا۔ ان کا کہنا تھا کہ امریکی اڈے عرب سرزمین نہیں سمجھے جا سکتے۔

اس سے قبل ایرانی وزیر خارجہ عباس عراقچی نے کہا تھا کہ اپنے دفاع کے لیے ایران کی کوئی حد نہیں ہے اور عرب ممالک کو ایران کے بجائے امریکا اور اسرائیل سے سوال کرنا چاہیے۔

انہوں نے کہا کہ جنگ ایران نے شروع نہیں کی، اگر جنگ بندی مطلوب ہے تو دباؤ ایران پر نہیں بلکہ امریکا پر ڈالا جائے۔

دوسری جانب ایرانی نائب وزیر خارجہ سعید خطیب زادہ کا کہنا تھا کہ امریکا کو براہِ راست نشانہ بنانا ممکن نہیں، تاہم امریکی کنٹرول میں موجود اڈوں کو ہدف بنایا جا رہا ہے۔