جنگ کا 17 واں روز: تہران اور دوحہ میں دھماکے، بیروت پر بمباری، بغداد میں امریکی سفارتخانہ پھر نشانہ

ایران پر امریکی و اسرائیلی جارحیت سترہویں روز میں داخل ہو گئی ہے، جس نے پورے مشرقِ وسطیٰ کو اپنی لپیٹ میں لے لیا ہے۔ ایرانی پاسدارانِ انقلاب (IRGC) نے ‘آپریشن وعدہ صادق 4’ کے آغاز کا اعلان کرتے ہوئے اسرائیل اور امریکی اہداف پر میزائلوں اور ڈرونز کی 57 ویں لہر داغ دی ہے۔ ان حملوں میں خیبر شکن، عماد اور قدر میزائلوں کا استعمال کیا گیا، جس سے تل ابیب اور بیت شمیش میں شدید تباہی ہوئی ہے۔

دوسری جانب، امریکی صدر ڈونلڈ ٹرمپ کو اس وقت بڑی سفارتی ہزیمت کا سامنا کرنا پڑا جب برطانیہ، فرانس، جرمنی، جاپان، جنوبی کوریا اور آسٹریلیا کے بعد یورپی یونین نے بھی آبنائے ہرمز کھلوانے کے لیے امریکی مشن میں اپنے جہاز بھیجنے سے صاف انکار کر دیا ہے۔ یورپی یونین نے واضح کیا ہے کہ وہ صرف سفارت کاری کے حق میں ہے۔