آبنائے ہرمز کی صورتحال جنگ سے پہلے کی حالت میں واپس نہیں آئے گی: ایران

تہران: ایران نے خبردار کیا ہے کہ آبنائے ہرمز کی صورتحال اب جنگ سے پہلے جیسی نہیں رہے گی۔

ایران کی پارلیمنٹ کے اسپیکر محمد باقر قالیباف نے سوشل میڈیا پلیٹ فارم ایکس پر ایک مختصر پیغام میں کہا کہ آبنائے ہرمز اب پہلے جیسا نہیں ہوگا، تاہم انہوں نے اس بیان کی مزید وضاحت نہیں کی۔

دوسری جانب ڈونلڈ ٹرمپ اس سے قبل دیگر ممالک پر زور دے چکے ہیں کہ وہ اس اہم آبی گزرگاہ کے تحفظ کے لیے اپنی بحری افواج تعینات کریں۔واضح رہے کہ آبنائے ہرمز عالمی سطح پر تیل کی ترسیل کے لیے نہایت اہم گزرگاہ ہے، اور خطے میں بڑھتی کشیدگی کے باعث اس کی سکیورٹی کے حوالے سے خدشات میں اضافہ ہو رہا ہے۔