آبنائے ہرمز بند، خلاف ورزی کرنیوالے جہاز تباہی کیلئے تیار رہیں: ایرانی پاسداران انقلاب

ایران کی پاسدارانِ انقلاب نیوی نے آبنائے ہرمز کو مکمل بند قرار دیتے ہوئے عالمی بحری جہازوں کو خبردار کیا ہے کہ ایرانی قوانین اور ضوابط کی خلاف ورزی کرنے والے جہاز امریکی تحفظ کے بھروسے پر تباہی کا شکار ہو جائیں گے۔ ایرانی خبر ایجنسی ارنا کے مطابق پاسدارانِ انقلاب نے دعویٰ کیا ہے کہ غیر مجاز راستے سے گزرنے کی کوشش کرنے والا 20 لاکھ بیرل خام تیل سے بھرا سپر ٹینکر بحری بارودی سرنگ سے ٹکرا کر تباہ ہو گیا ہے، جبکہ گزشتہ 24 گھنٹوں میں اماراتی اور بھارتی عملے کے ٹینکرز پر بھی حملے ہوئے ہیں۔ عالمی انرجی سپلائی کے 20 فیصد گزرگاہ پر پاسدارانِ انقلاب کے ترجمان سردار محبی نے واضح کیا کہ امریکہ کا رات کے اندھیرے میں جہاز نکالنا اسمگلنگ ہے، راستہ کھلوانا نہیں۔ دوسری جانب انٹرنیشنل میری ٹائم آرگنائزیشن نے علاقے میں بارودی سرنگوں کی موجودگی پر خبردار کیا ہے، جبکہ امریکی صدر ڈونلڈ ٹرمپ نے تہران کی جانب سے پسِ پردہ مذاکرات کی حالیہ پیشکش کو مسترد کر دیا ہے۔