امریکا ناممکن فوجی آپریشن یا معاہدے میں سے کسی ایک کاانتخاب کرلے، پاسدارانِ انقلاب

ایران کے پاسدارانِ انقلاب کی انٹیلیجنس یونٹ کا کہنا ہے کہ امریکا کو ناممکن فوجی آپریشن یامعاہدے میں سے کسی ایک کا انتخاب کرنا ہوگا۔
پاسداران انقلاب جانب سے جاری ایک بیان میں حالیہ پیشرفت کا حوالہ دیتے ہوئے کہا گیا ہے کہ امریکا کے لیے فیصلے لینے کے مواقع کم ہیں۔ تہران نے امریکی فوج کو ایرانی بندرگاہوں کی ناکہ بندی ختم کرنے کے لیے ڈیڈلائن مقرر کر دی ہے۔ تاہم اس ڈیڈلائن کی کوئی تفصیل نہیں بتائی گئی۔
پاسداران انقلاب کے مطابق چین، روس اور یورپ کی جانب سے واشنگٹن کے خلاف لہجے میں تبدیلی دیکھی جا رہی ہے۔
بیان میں مزید کہا گیا ہے کہ ٹرمپ کو ناممکن فوجی آپریشن یا معاہدے میں سے ایک کا انتخاب کرنا ہوگا۔
یاد رہے کہ امریکی صدر ڈونلڈ ٹرمپ نے سوشل میڈیاپر جاری حالیہ بیان میں کہا تھا کہ وہ ایران کی جانب سے پیش کردہ منصوبے کا جلد جائزہ لیں گے،‘تاہم ان کا کہنا ہے کہ وہ اسے قابلِ قبول نہیں سمجھتے۔