ایران کی آبنائے ہرمزکھولنے کیلئے 7 روزہ منصوبے کی پھر پیشکش

ایران نے خلیج میں جاری کشیدگی کے خاتمے اور بین الاقوامی بحری آمد و رفت کو بحال کرنے کے لیے آبنائے ہرمز کھولنے سے متعلق 7 روزہ منصوبے کی دوبارہ پیشکش کر دی ہے۔

اسلامی تعاون تنظیم (OIC) کے وزرائے خارجہ کے اجلاس سے خطاب کرتے ہوئے ایرانی وزیرِ خارجہ عباس عراقچی نے بتایا کہ ایران نے قطر کی وساطت سے ایک 7 روزہ ٹھوس اور جامع منصوبہ پیش کیا ہے اور اب اس حوالے سے حتمی فیصلہ امریکہ کے ہاتھ میں ہے۔

عباس عراقچی نے زور دے کر کہا کہ ایران نے ہمیشہ اپنے عوام، اپنی قومی خودمختاری اور جائز مفادات کا دفاع کیا ہے۔ انہوں نے واضح کیا کہ ایران نے کبھی اپنے پڑوسی ممالک پر حملہ نہیں کیا بلکہ صرف ان خطے میں قائم امریکی فوجی اڈوں اور عسکری تنصیبات کو نشانہ بنا کر تباہ کیا ہے، جو بدقسمتی سے ایران کے پڑوس میں واقع ہیں۔