ایران پر کسی بھی بڑے حملے سے رجیم چینج ممکن نہیں، امریکی انٹیلی جنس رپورٹ

امریکا کی 18 انٹیلی جنس ایجنسیوں نے اپنی تازہ مشترکہ رپورٹ میں کہا ہے کہ ایران پر بڑے سے بڑے حملے کے باوجود وہاں رجیم چینج نہیں لایا جاسکے گا۔

امریکی نیشنل انٹیلیجنس ایجنسی، جو 18 انٹیلی جنس ایجنسیوں پر مشتمل ہے، نے اس رپورٹ میں کہا کہ ایران کی اپوزیشن منقسم ہے اور اس کی جانب سے ملک پر کنٹرول سنبھالنے کا امکان نہ ہونے کے برابر ہے۔

امریکی اخبار واشنگٹن پوسٹ کے مطابق رپورٹ کے بعد سابق صدر ڈونلڈ ٹرمپ کے ایرانی قیادت کو ختم کر کے اپنی مرضی کے حکمران مسلط کرنے کے منصوبے پر شکوک و شبہات پیدا ہو گئے ہیں۔

رپورٹ میں مزید کہا گیا کہ ایرانی حکومت کا بالائی طبقہ نظریاتی طور پر مضبوط ہے اور امریکی دباؤ کے تحت فیصلے کرنا اس کے نظام کے بنیادی اصولوں کے خلاف ہوگا۔ بروکنگز انسٹیٹیوٹ کے ایک ماہر نے بھی تصدیق کی کہ ایران میں امریکی دباؤ یا کسی بیرونی قوت کے مقابلے کے لیے کوئی داخلی متبادل موجود نہیں ہے۔