ایران : ملکی سلامتی کی حفاظت ریڈ لائن قرار ، پاسداران انقلاب نے سخت وارننگ دے دی
Web Desk
10 January 2026
ایران میں جاری احتجاجی مظاہروں کے پیشِ نظر پاسداران انقلاب نے واضح کیا ہے کہ ملک کی سلامتی اور سرکاری املاک کی حفاظت ان کی ریڈ لائن ہے۔
خبر رساں ایجنسی روئٹرز کے مطابق پاسداران انقلاب نے بیان میں کہا کہ دہشت گردوں نے گزشتہ رات فوجی اور قانون نافذ کرنے والے اداروں کے اڈوں کو نشانہ بنایا، جس کے نتیجے میں کئی شہری اور سکیورٹی اہلکار ہلاک ہوئے اور املاک کو نقصان پہنچا۔
یہ بیان امریکی صدر ڈونلڈ ٹرمپ کی جانب سے ایرانی قیادت کو دی گئی وارننگ اور امریکی وزیر خارجہ مارکو روبیو کے حالیہ بیانات کے بعد سامنے آیا، جن میں ایران کے عوام کی حمایت کا ذکر تھا۔
ایران کے سرکاری میڈیا کے مطابق تہران کے مغرب میں واقع کرج شہر میں ایک بلدیاتی عمارت کو آگ لگا دی گئی، جبکہ شیراز، قم اور ہمدان میں احتجاج کے دوران ہلاک ہونے والے سکیورٹی اہلکاروں کے جنازوں کی تصاویر بھی نشر کی گئیں۔
پاسداران انقلاب نے کہا کہ 1979 کے اسلامی انقلاب کی کامیابیوں کا تحفظ اور ملک میں امن و امان قائم رکھنا ان کی سرخ لکیر ہے، اور موجودہ صورتحال ناقابل قبول ہے۔
ایرانی فوج، جو پاسداران انقلاب سے الگ کام کرتی ہے، نے بھی اعلان کیا کہ وہ قومی مفادات، اسٹریٹجک انفراسٹرکچر اور عوامی املاک کی حفاظت یقینی بنائے گی۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026