ایرانی پاسداران انقلاب کی آبنائے ہرمز میں جنگی مشقیں شروع

ایرانی پاسدارانِ انقلاب بحریہ نے آبنائے ہرمز میں مشقوں کا آغازکردیا۔ ایرانی نیوزایجنسی کے مطابق مشقوں کا نام  ’اسمارٹ کنٹرول آف دی اسٹریٹ آف ہرمز‘  رکھاگیاہے جس کی نگرانی اور فیلڈ مانیٹرنگ پاسداران انقلاب کے کمانڈر میجر جنرل محمد پاکپور کررہے ہیں۔

جنگی مشقوں کے بنیادی مقاصد میں پاسداران انقلاب بحریہ کے یونٹس کی آپریشنل تیاریوں کا جائزہ لینا، آبنائے ہرمز کے علاقے میں ممکنہ سیکیورٹی اور فوجی خطرات کی صورت میں جوابی فوجی کارروائی سے متعلق منصوبوں کا جائزہ لینا اور خلیج و بحیرۂ عمان میں ایران کی جغرافیائی و اسٹریٹجک  اہمیت کا مؤثر استعمال شامل ہے۔