امریکا کی معاشی جنگ میں مدد کرنے والے ممالک کے مفادات کو نشانہ بنائیں گے، محسن رضائی

ایران کی سپریم نیشنل سکیورٹی کونسل کے سیکرٹری جنرل محسن رضائی نے تنبیہ کی ہے کہ دیگر ممالک ایران کے خلاف اقتصادی اقدامات میں امریکہ کا ساتھ دینے سے گریز کریں، ورنہ ان کے مفادات کو نشانہ بنایا جائے گا۔ اپنے بیان میں انہوں نے کہا کہ امریکی پالیسیوں اور حملوں نے بین الاقوامی جوہری عدم پھیلاؤ کے معاہدوں کو غیر مؤثر ثابت کر کے دنیا بھر میں ایٹمی ہتھیار حاصل کرنے کی خواہش میں اضافہ کیا ہے۔ محسن رضائی نے واضح کیا کہ موجودہ ایران عسکری طور پر ہر دم تیار ہے اور آئندہ کسی بھی تنازع میں جنگ کی نئی حکمت عملی اپنائی جائے گی۔ انہوں نے خبردار کیا کہ خلیج فارس اور آبنائے ہرمز سمیت تمام دیگر راستوں سے تیل کی برآمد مکمل طور پر روک دی جائے گی تاکہ امریکی عزائم کو ناکام بنایا جا سکے۔