میزائل پروگرام ہماری ریڈ لائن ہے جس پر کوئی مذاکرات نہیں ہوں گے، ایران

تہران: ایران نے اپنے میزائل پروگرام کو ایک بار پھر ریڈ لائن قرار دیا ہے اور واضح کیا ہے کہ اس پر کسی بھی قسم کی مذاکراتی پیشکش ناقابل قبول ہے۔

عرب ٹی وی کے انٹرویو میں ایرانی سپریم لیڈر آیت اللہ خامنہ ای کے سینئر مشیر علی شمخانی نے کہا کہ ایران کا میزائل پروگرام کسی بھی مذاکرات کی حدود میں نہیں آتا اور اس پر کسی بھی گفتگو کی گنجائش نہیں۔

علی شمخانی نے مزید کہا کہ:

• ایرانی فوج ہائی الرٹ پر ہے

• کسی بھی فوجی کارروائی پر فوری، فیصلہ کن اور مناسب جواب دیا جائے گا

• بیرونی طاقتوں کی کسی بھی غلطی کا بھاری خمیازہ بھگتنا پڑے گا

سینئر رہنما نے یہ بھی واضح کیا کہ مذاکرات صرف حقیقت پسندی اور غیر ضروری مطالبات سے گریز کے ساتھ ممکن ہیں۔

ایران کی یہ سخت پوزیشن عالمی سلامتی اور خطے میں فوجی توازن کے لیے اہم اشارہ سمجھی جا رہی ہے۔